“Ye una vergoña qu’ún de ca cuatro neños asturianos pase fame”

Publicada por Redacción Búscolu el 02/03/2015 11:57:39

Sonia Díaz, de la Executiva d’Andecha Astur, fexo estes declaraciones en referencia al informe d’Unicef qu’afirma qu’el 26,7% de los neños d’Asturies afáyense en riesgu de probitú.

“Obliguen a la mocedá a emigrar y conderguen a los neños a vivir en necesidá. ¿Qué fai falta pa que la sociedá asturiana respuenda?” entrugábase na so intervención na que daba cuenta del restu del informe d’Unicef nel que s’espeya la grqave situación que vive la infancia n’Asturies, ente ellos que somos la "Comunidá" del Estáu con menos menores.

“Esto ye la consecuencia de les polítiques socio-económiques del Estáu español n’Asturies, aplicaes cola complicidá d’un “Principado” sumisu y sucursalista ” afirmó, pa denunciar darréu que la sociedá asturiana ye rehén de los partíos políticos estatalistes afincaos n’Asturies, que por mor del so calter sucursal defenden los intereses del Estáu español frente a los d’Asturies.

¿Quiéres comentar? Identifícate o Registrate

También en El Búscolu