Esposición 'La llingua na historia' y recital de Pablo Texón

Con motivu de la 26 selmana de les lletres asturianes podrá visitase, na sala d'esposiciones de la Casa la Cultura de Nava, del 4 al 9 de mayu, la esposición La llingua na historia, que recuerre, a traves de paneles esplicativos y ilustraciones, la historia de la llingua asturiana dende los primeros documentos medievales hasta l'actualidá, con especial atención a los testos y escritores asturianos del ámbitu xeográficu de la Comarca de la Sidra.

Amás d'ello, el martes 5 de mayu, a les 19:00, na sala Marta Portal de la casa la cultura de Nava, celebraráse un recital del poeta Pablo Texón. (Felechosa, 1878). Texón ye una de les voces más destacaes de les nueves xeneraciones de lliteratura n'asturianu, llicenciáu en filoloxía hispánica y especialista en llingua asturiana, y vendrá a mostranos les sos creaciones, centrándose nel so últimu poemariu editáu, La Culpa y la Lluz, ganador del premiu Teodoro Cuesta de poesía.