La Comarca de la Sidra entama en Nava un taller d’asturianu prácticu con sesiones quincenales dende marzu hasta xunu.
El Serviciu de Normalización Llingüística de la Comarca de la Sidra convoca un nuevu Taller d’Asturianu Prácticu en Nava, concebíu como un espaciu pa practicar y meyorar les destrezes llingüístiques, tanto orales como escrites, d’una manera prestosa y participativa.
Les sesiones van celebrase na Sala Marta Portal de la Casa de Cultura de Nava, con encuentros quincenales los martes de 18:00 a 20:00 hores, dende’l 17 de marzu hasta’l 16 de xunu.
El taller ta abiertu a persones de tolos niveles y tien como oxetivu fomentar l’usu del asturianu nel día a día, creando un espaciu onde los participantes puedan practicar la llingua y ganar soltura na comunicación oral y escrita.
L’actividá ye de entrada llibre, anque dende la organización encamiéntase acutar plaza previamente al traviés del corréu electrónicu normastur@lacomarcadelasidra.com o nel teléfonu 637 897 256, pa facilitar la organización de les sesiones.
Esta iniciativa forma parte de les actividaes de promoción y normalización de la llingua asturiana que se desarrollen na Comarca de la Sidra, col oxetivu de fomentar el conocimientu y l’usu del asturianu ente la ciudadanía.
0 Comentarios
Esta noticia todavía no tiene comentarios
Comentar la noticia
El email no será publicado