Renaguráu'l Llar d'Andecha en Xixón

Ayeri pela tardi, Andecha Astur de Xixón renaguró'l nueu llocal con un actu políticu tres el que tuvo llugar una espicha cola que se remató la cellebración.

Cola discreición que ye propia nesta triba d'actos, onde lo prioritario ye'l contautu ente miembros y simpatizantes de la organización, la intervención política del Secretariu Xeneral d'Andecha Astur centróse en desplicar la situación cara a les elleiciones europees y les espeutatives esistentes al so alrodiu, animando a tolos andechiegos a siguir l'exemplu qu'agora daba'l conceyu Xixón col afayamientu y renaguración del llocal, pa da-y un mayor puxu a la so actividá socio-política.