Andecha Astur considera que nun se trata d'un fechu aislláu, sinon qu'el nerviosismo énte la previsible debacle elleutoral del PSOE , ta faciendo que xeneralicen esta práutica "mafiosa".
Los fechos produxéronse’l pasáu díi 7 de mayu, un díi enantes del empiezu de la campaña electoral, nuna residencia xeriátrica de Xixón na que Teresa Ordiz axuntó a los residentes pa da-yos una "charra” pa empobinar el so votu pal PSOE, pa dempués pasalos énte un notariu con cuenta de dellegaren n'otra presona'l so votu per corréu.La Llei del Réxime Elleutoral Xeneral establez que cuandu por razones d'enfermedá o d'ausencia de la casa avezada nun pue allegase a votar, xustificáu con informe mélicu nel primer casu, ca elleutor namás va poder autorizar notarialmente a una presona y una mesma presona nun pue representar a más d'un ellector, circustancia que nun paez dase nesti casu, comu indicó Andecha Astur nel so escritu de denuncia énte la Xunta Elleutoral de Zona de Xixón, una y bones los residentes del xeriátricu recibieron primero una charra pa depués pasar énte un notariu y la Directora del centru pa dellegar el so votu per corréu pal PSOE.
Dalgunos d'ellos ta en condiciones de poder allegar a votar el díi 24 y asina lo vienen faciendo acompangaos polos sos familiares n'otres ocasiones.
La gravedá de los fechos denunciaos por Andecha Astur ye entá mayor si se tien en cuenta que Teresa Ordiz Asenjo, siempres de la man de Vicente Álvarez Areces, foi primero conceyala nel Conceyu Xixón, depués Viceconseyera y Conseyera de Bienestar Social en gobiernos del PSOE, siendo una presona relevante y bien influyente nel sector de los establecimientos xeriátricos.
0 Comentarios
Esta noticia todavía no tiene comentarios
Comentar la noticia
El email no será publicado