Selmana de les Lletres Asturianes en Nava

Comentar

NOTICIAS RELACIONADAS

Ofertas descenso del sella en oriente de Asturias
Patrocinio Cogersa

Selmana de les Lletres Asturianes en Nava

Publicada por Redacción Búscolu el 02/05/2014 00:33:23

Nava celebra la Selmana de les Lletres con una esposición de cómic y un alcuentru col dibuxante Ruma Barbero

Acordies cola temática de la 35 Selmana de les Lletres Asturianes, el serviciu de normalización llingüística de la Comarca de la Sidra, en collaboración col conceyu de Nava, tien programada pa estes feches la Esposición “Concursu de Cómic n’Asturianu Comarca de la Sidra”, nel primer pisu de la Casa la Cultura Marta Portal, onde se podrán ver les obres premiaes y seleccionaes mientres los siete años nos que se mantuvo esti concursu, ún de los primeros certámenes de cómic n’asturianu que se convocaron. Na muestra, que tara espuesta dende’l vienres 2 de mayu hasta final de mes, podrán vese obres d’autores güei reconocíos que nel so día participaron nel concursu, como Alfonso Zapico, premiu nacional de cómic, o Ruma Barbero.

Esti últimu autor, Ruma Barbero, tará’l xueves 8, a partir de les 19:00, na mesma Casa la Cultura Marta Portal, onde va falar al públicu de les sos últimes obres publicaes, La Chelita y Aguantando Cachones, con firma d’exemplares y acompañáu d’una presentación audiovisual.

¿Quiéres comentar? Identifícate o Registrate

También en El Búscolu