Lluna, de Carlos Iglesias García (C.P Martimporra), Esguiles, d'Eva Allende Azcano (Braulio Vigón, Colunga) y Peayo Gonzáez Meana (C.R.A Les Mariñes, Villaviciosa) fueron los trabayos qu'acabaron premiaos nel concursu escolar '1000 pallabres prestoses', convocáu pol Serviciu de Normalización Llingüística de la Comarca de la Sidra cola collaboración de la Conseyería d'Educación y Cultura y l'Academia de la Llingua Asturiana.
Nel concursu, a los escolinos propúsose-yos escoyer una palabra asturiana que-yos prestara y representala con un dibuxu.
Una selección de los dibuxos podrá vese en biblioteques y cases de cultura de la Comarca de la Sidra mientres la celebración d'esta 38 edición de la Selmana de les Lletres Asturianes.
El xuráu, formáu por Cristina Redondo Bernabé (diseñadora y ilustradora), Ramón Alonso Rodríguez (pintor) y Luis Carlos Vecino Ferrer (del Serviciu de Mocedá Man.co.si) decidió seleccionar los siguientes trabayos, que recibirán premios consistentes en llotes de llibros, cedés y material didácticu n'asturianu:
CATEGORÍA A (Primer y segundu cursu de Primaria):
PRIMER PREMIU: Lluna, de Carlos Iglesias García (C.P Martimporra, Bimenes)
ACCESIT: Pueblu, de Oliver Liteltom Sopeña (C.R.A Les Mariñes, Villaviciosa) y El Mar, de Pablo García Cruzado (C.P Maliayo. Villaviciosa)
CATEGORÍA B (Tercer y cuartu cursu de Primaria):
PRIMER PREMIU: Esguiles, de Eva Allende Azcano (C.P Braulio Vigón, Colunga)
ACCESIT: Esguil, de Sara Sierra Falcó, (C.P Martimporra, Bimenes) y Llapiceru, de Sergio Rubianes Sirgo (C.R.A Les Mariñes, Villaviciosas)
CATEGORÍA C (Quintu y sestu cursu de primaria):
PRIMER PREMIU: Lletreru, de Pelayo González Meana (C.R.A Les Mariñes, Villaviciosa)
ACCESIT: Ganaderu, d’Oscar Iglesias Coto (C.P Martimporra, Bimenes) y Texu, de Paola Suárez Robledo (C.R.A La Coroña, Bimenes-Nava)
0 Comentarios
Esta noticia todavía no tiene comentarios
Comentar la noticia
El email no será publicado