La Conseyería d’Educación llanza un programa nuevu de Formación Profesional (FP) dual qu’incluye como novedá principal beques de les empreses pal alumnáu participante. Asina, los estudiantes van recibir una ayuda equivalente al 65 % del salariu mínimu interprofesional (SMI) proporcional al tiempu d’estancia formativa na compañía. El director xeneral d’Enseñances Profesionales, Javier Cueli, anunció güei esta midida nun actu entamáu por Femetal, onde señaló que la resolución nueva ta tramitándose actualmente. Amás, Cueli presentó les novedaes nel calendariu. Asina, el tiempu d’estancia de formación del alumnáu amplíase a 1.100 hores y adelántase la incorporación a los centros de trabayu, d’alcuerdu con esta distribución:

Al empar, el Principáu va conceder ayudes a les empreses participantes. Asina, dende’l Serviciu Públicu d’Emplegu (Sepepa) tán ellaborándose les bases reguladores pa la concesión de subvenciones a les compañíes receptores d’alumnáu de FP dual empobinaes a la compensación de los gastos derivaos de les funciones de formación y apoyu al procesu de deprendimientu nel centru de trabayu.

La resolución nueva del programa de FP dual quier facilitar el tránsitu a lo establecío na llei nueva d’ordenación y integración de la Formación Profesional. “Esti modelu de FP busca harmonizar los deprendimientos del centru educativu cola empresa, entidá o organismu públicopriváu, y afitar y ampliar los conocimientos del currículu, incluyendo los específicos de la empresa o la entidá rellacionaos cola producción y coles formes organizatives”, esplicó Javier Cueli. D’esta manera, facilítase que les empreses puedan collaborar na formación, adaptando a les sos necesidaes conteníos con valor curricular.