Mercau social de Nava

Esti sábadu 17 d’avientu de 11:00h a 15:00h va desenvolvese otra edición del Mercáu Social de Nava que pretende dinamizar el mercáu tradicional dende’l puntu de vista comercial y social.

Nesta ocaasión, amás de la gran diversidá de productos locales de les otres ediciones, vamos cuntar cola ufierta cultural que vien darréu:

12:00h. Caldu Repair. Inciativa d'ISF (Inxenieros sin fronteres) que pretende acabar cola idea del “usar y tirar”, dándonos la opción de da-y una segunda oportunidá a ropa, bicicletes, muebles, electrodomésticos, ordenadores… Too esto acompañáu d'un caldu reparador de la güerta asturiana.

12:30h. DJ El Corrector. Música dende Jamaica pa facenos entrar en calor.

13:30h. Dani Stylo. Música electrónica fusionada con elementos que van dende lo tradicional al Hip Hop.
Y al final del mesmu va celebrase una rifa con productos donaos polos diferentes productores.