Güei, día mundial de la poesía, queremos compartir con vós esti poema que vimos va tiempu nel Parque de La Vida, en Lluarca, obra de Pablo Rodríguez Medina. Disfrutáilu.
A la vuelta casa aquella guindal
arguyosa que resistió
océanos de formigues y xatos
travesaos que-y mazcaben
les cañes más tiernines.
De nueche, cuando nun salíes
pasiaba yo y a la guindal
rabába-y les rubines ácedes
que tiraba al cristal la to ventana
y apaecíes dormiyosa
como diosa
d'una fontana clara.
Aquella guindal
a la vuelta casa.
Pablo Rodríguez Medina
0 Comentarios
Esta noticia todavía no tiene comentarios
Comentar la noticia
El email no será publicado