Artículu d'opinión de Xesús Nel García Muñiz. cantante de Taranus y miembru de Conceyu Abiertu por Xixón, que va na candidatura d'Andecha Astur (nb. 2 por Xixón) y nel que defende la candidatura d'Andecha Astur calificándola comu "de Resistencia Nacional".

Sentí una vegada dicir a Gonzalez-Quevedo que la cultura d'un pueblu desapaez en cuantes desapaecen los sos ritos funerarios, por embargu, pa la mayoría de la xente la esistencia  d'un pueblu nun tien muncho que ver con terminos academicistes, sinon mas bien, va venceyada a la tradición de la vindicación politica, y en cuantes esa vindicación dexa de ser visible, esi pueblu desapaez.

            Si analizamos la situación n'Asturies d'anguañu paez que vamos per esi camín. Un de los grandes males que paez que golpea con fuercia al nacionalismu asturianu na cabera dómina ye una política posibilista qu'escaeciendo l'axioma d'Albert Eistein vuelve a repetir el mesmu actu cola asperanza d'un resultau estremau. Güei, a les puertes d'otres elleiciones nacionales cualaquier intentu de facer una allianza fuerte del nacionalismu asturianu vuelve a desaniciase por otru pactismu con fuercies (nun voi dicir españolistes, sería daqué inxusto) remanaes dende Madrí, o sea , dende la metropoli. Y mos dicen que la cultura asturiana será protexía por ellos. La llectura mas evidente ye que como siempre tutelennos considerandonos un pueblu infantil, faciendo creer a la xente que la revindicación politica asturiana ye una llocura con solo 40 años y claro una cosa ye defender la llingua asturiana y otra defender que somos una nación...y asina plumiase l'epitafiu del nacionalismu asturianu.

            Ante esti analís tan escuru solo nos queda intentar un movimientu de resistencia política, falar d'una candidatura xunitaria creo que ye demasiao ambicioso, pero non de falar d'una candidatura de resistencia n'onde la poca izquierda nacionaliega que queda puea xunciase y facese ver, pa amosar que'l proyeutu d'una Asturies soberana sigue vivu. La situación del pais ye realmente mala, creo que ye perimportante tratar d'escaecer...pa que Asturies tenga una posibilidá de ser una nación plenamente reconocida (ya sea dientru o fuera del estau español).

            Nun futuru, quiciaves, dependiendo de como se desendolquen los acontecimientos, podremos falar d'un proyeutu mas seriu, con mas posibilidaes, anguañu, solo nos queda sobrevivir como ideoloxía que de xuru medrará, p'algamar una Asturies meyor.